foto de cartaz: nelson silva
Contributos:
pintura: elisabete pires monteiro
*********
fotografia de: nelson silva
********
Agóchase detrás dunha porta
A porta reflicte a descatalogada salvación
que se achanta no balorecido son dunha campá
Fica estrábica no interior dun faro vello
coleccionando xustizas acedas
Seica hai un S O S engadido nas equidistantes folerpas
que deambulan inconexas
Hainos que pensan
que a salvación é un limiar impreso
Un índice pechado baixo terra
Salvación, xustiza
son dous vocábulos indeterminados
abstraídos nas tobeiras irredentas
Mentres os cans ouvean, xorde na escena
Unha muller perseguida polo maltrato
Un terminal que suplica eutanasia
A praia cuberta de chapapote
que soña coa límpida auga do seu ecosistema
A nación que agarda a salvación, a xustiza
da permanencia da lingua de seu
nas bocas do pobo
Salvación, xustiza
Son dous vocábulos indeterminados
agochados detrás dunha porta...
poema de: cruz martínez
fotografia de: cruz martinez
**************************************************************************************************************
Somos a raza dos homes perfectos
e vivimos nun mundo perfecto...
As leis están inacabadas
para erradicar a inocencia
e destruír a bondade
creamos vítimas e verdugos
á nosa semellanza
Bis...
A verdade persegue a XUSTIZA
mais nunca consegue tocala
pois a SALVACIÓN é a utopía
cara a que navega
a caste dos perdidos
Bis...
Somos os nosos propios deuses
e os nosos propios monstros
a XUSTIZA é un xogo de cartas
na que xogamos a SALVACIÓN
das almas que mercamos
e vendemos ...
Somos a raza dos homes perfectos
e vivimos nun mundo perfecto...
poema de: rosanegra
